ભરૂચ જિલ્લા પંચાયતના આરોગ્ય વિભાગના કર્મચારીઓએ બે દિવસથી અનિશ્ચિત મુદતની હડતાળ શરૂ કરી છે ત્યારે કર્મચારીઓએ આજરોજ જિલ્લા વિકાસ અધિકારીને આવેદનપત્ર પાઠવ્યું હતું. રાજ્યના પંચાયત વિભાગના વર્ગ-3 આરોગ્ય કર્મચારીઓ છેલ્લા બે વર્ષથી ટેકનિકલ કેડરમાં સમાવેશ, ગ્રેડ-પે સુધારણા અને ખાતાકીય પરીક્ષા રદ કરવાની માંગ કરી રહ્યા છે. સરકાર દ્વારા આ માંગણીઓ સ્વીકારવામાં ન આવતા સોમવારથી ભરૂચ જિલ્લાના આરોગ્ય કર્મચારીઓ અચોક્કસ મુદતની હડતાળ પર ઉતર્યા છે.
અંગે આજ રોજ કર્મચારીઓ દ્વારા જિલ્લા વિકાસ અધિકારીને આવેદનપત્ર પાઠવવામાં આવ્યું હતું.આરોગ્ય વિભાગનાં એમપીએચડબલ્યુ,એફએચડબલ્યુ, એમપીએચએસ અને એફએચએસ કેડરને ટેકનિકલ સંવર્ગમાં ગણી પગાર સુધારણા કરવાની તેમજ એમપીએચડબલ્યુ અને એફએચડબલ્યુ માટેની ખાતાકીય પરીક્ષા રદ કરવાની માંગણી આરોગ્ય કર્મચારીઓ કરી રહ્યા છે.
Author: geogujaratnews
geogujarat2020@gmail.com www.geogujaratnews.com