વિશ્વ પર્યાવરણ દિવસ દર વર્ષે ૫ મી જૂનના રોજ ઉજવવામાં આવે છે. અને તે પર્યાવરણની સુરક્ષા માટે જાગૃતિ અને કાર્યવાહીને પ્રોત્સાહિત કરવા માટેનું સંયુક્ત રાષ્ટ્રનું મુખ્ય સાધન છે. ૧૯૭૩માં સૌપ્રથમ વખત યોજાયેલી આ ઉજવણી દરિયાઈ પ્રદૂષણ, વસ્તી વધારો, ગ્લોબલ વોર્મિંગ, સાતત્યપૂર્ણ વિકાસ અને વન્યજીવન અપરાધ જેવા પર્યાવરણીય મુદ્દાઓ પર જાગૃતિ લાવવા માટેનું એક મંચ રહ્યું છે.
વિશ્વ પર્યાવરણ દિવસ જાહેર જનતા સુધી પહોંચવા માટેનું એક વૈશ્વિક મંચ છે, જેમાં દર વર્ષે ૧૪૩થી વધારે દેશો ભાગ લે છે. દર વર્ષે, આ કાર્યક્રમ દ્વારા વ્યાવસાયિક, બિન-સરકારી સંસ્થાઓ, સમુદાયો, સરકારો અને જાણીતી હસ્તીઓ માટે પર્યાવરણીય કારણોની હિમાયત કરવા માટે એક વિષય અને મંચ પ્રદાન કરવામાં આવે છે. જનમાનસમાં પર્યાવરણ પ્રશ્ને જાગૃતતા વધે – લોકો પર્યાવરણ સુરક્ષાના કાર્યમાં સહભાગી બને તે હેતુથી તા. ૫મી જૂન “વિશ્વ પર્યાવરણ દિન” તરીકે ઉજવાય છે.
વાગરા પંથકમાં વૃક્ષોની સંખ્યામાં વધારો કરવા માટે સામાજિક વનીકરણ વિભાગ-ભરૂચ, રેન્જ-વાગરા તરફથી નવતર અભિગમ અપનાવવામાં આવ્યો છે. નાયબ વન સંરક્ષક ભરૂચના ભાવનાબેન દેસાઈના માર્ગદર્શન અને સૂચના મુજબ 5 મીએ વિશ્વ પર્યાવરણ દિવસની ઉજવણીના ભાગરૂપે CISF કેમ્પ રેસિડન્સી એરિયા, વાગરા ખાતે 700 વૃક્ષોનું વાવેતર કરી તેના જતનનો સંકલ્પ લેવામાં આવ્યો હતો.
ઉક્ત કાર્યક્રમમાં વાગરા રેન્જ ફોરેસ્ટ ઓફીસનો સ્ટાફ તેમજ CISF ના જવાનો સહભાગી બન્યા હતા. અને વૃક્ષોનું વાવેતર કરી તેના જતન અંગે પણ સંકલ્પ લીધા હતા.
Author: Naeem Diwan
Owner Of Geogujaratnews.com