ભરૂચ: આંતરાષ્ટ્રીય યોગ દીવસને અનુલક્ષી GNFC ગ્રાઉન્ડ ખાતે યોગ દીવસની ચાલતી તડામાર તૈયારીઓ, અધિક નિવાસી કલેક્ટરએ તલસ્પર્શી નિરિક્ષણ કર્યું

આગામી તા.૨૧મી જુન શનિવારના રોજ ભરૂચના જીએનએફસી ગ્રાઉન્ડ ખાતે જિલ્લા કક્ષાની આંતરાષ્ટ્રીય યોગ દીવસની ઉજવણીને અનુલક્ષીને આજરોજ અધિક નિવાસી કલેક્ટરએ એન.આર.ધાધલે સ્થળ વિઝીટ કરી તલસ્પર્શી નિરિક્ષણ કર્યું હતું. કાર્યક્રમ સંદર્ભે તંત્ર દ્વારા કરવામાં આવેલી તૈયારીઓ અંગે અધિકારીઓ સાથે ચર્ચા કરી જરૂરી સુચના અને માર્ગદર્શન આપ્યું હતું.

આંતરાષ્ટ્રીય યોગ દીવસને અનુલક્ષી અધિક નિવાસી કલેક્ટરએ વિઝીટ કરી તલસ્પર્શી નિરિક્ષણ કર્યું: કાર્યક્રમના સુચારૂ વ્યવસ્થાપન, સ્થળ, બેઠક વ્યવસ્થા, પાણીની સુવિધા, પાર્કિંગ વગેરે જેવી તમામ બાબતોને તકાજો લઇને સંબંધિત અધિકારીઓ સાથે ચર્ચા સાથે જરૂરી સુચનાઓ આપી હતી. નિવાસી કલેક્ટરએ એન.આર.ધાધલે તમામ કાર્યક્રમોની વિગતો મેળવી બેઠક વ્યવસ્થા, સહિતના કાર્યક્રમોની તલસ્પર્શી સમીક્ષા કરી હતી. આ પ્રસંગે વિવિધ વિભાગના સંકલન અધિકારીઓ ઉપસ્થિત રહ્યા હતા.