21 મી જુનના રોજ ONE EARTH ONE HEALTH ની અને સ્વસ્થ ગુજરાત મેદસ્વીતા મુક્ત ગુજરાતની થીમ સાથે 11 માં “આંતરાષ્ટ્રીય યોગ દિવસની ઉજવણી ખેડબ્રહ્માની શ્રી શેઠ કે.ટી હાઈસ્કૂલમાં ભવ્ય ઉજવણી કરવામાં આવી હતી.
યોગનું જીવનમાં અનેરું મહત્વ:- યોગ શબ્દના બે અર્થ થાય છે અને બંને મહત્વપૂર્ણ છે. પહેલો છે – જોડ અને બીજો છે સમાધિ. જ્યા સુધી આપણે પોતાની સાથે નથી જોડાતા, ત્યાં સુધી સમાધિ સુધી પહોંચવું મુશ્કેલ છે. યોગ દર્શન કે ધર્મ નથી, ગણિતથી થોડું વધુ છે. બે માં બે ઉમેરો ચાર જ આવશે. પછી ભલે તમે વિશ્વાસ કરો કે ન કરો, ફક્ત કરીને જોઈ લો. આગમાં હાથ નાખવાથી હાથ બળશે જ, આ કોઈ વિશ્વાસ કરવાની વાત નથી. ‘યોગ ધર્મ, આસ્થા અને અંધવિશ્વાસથી ઉપર છે. યોગ એક સરળ વિજ્ઞાન છે. પ્રાયોગિક વિજ્ઞાન છે. યોગ છે જીવન જીવવાની કળા. યોગ એક પૂર્ણ ચિકિત્સા પધ્ધતિ છે. એક પૂર્ણ માર્ગ છે – રાજપથ. ધર્મ એક એવુ બંધન છે જે બધાને એક ખૂંટીએ બાંધે છે અને યોગ બધા પ્રકારના બંધનોથી મુક્તિનો માર્ગ બતાવે છે. એટલેજ યોગનું આપણા જીવનમાં અનેરું મહત્વ રહેલું છે.
ખેડબ્રહ્મા ખાતે આંતરરાષ્ટ્રીય યોગ દિવસની ઉજવણી કરાઈ:- આજે 21 મી જુનમેં 11 માં આંતરરાષ્ટ્રીય યોગ દિવસ તરીકે ઉજવવાનું નક્કી કરાયું છે. ખેડબ્રહ્મા ખાતે આંતરરાષ્ટ્રીય યોગ દિવસની તાલુકા કક્ષાની ઉજવણી સવારે 6 : 00 કલાકે શ્રી શેઠ કે. ટી હાઈસ્કૂલમાં કરવામાં આવી હતી. આયોજિત કાર્યક્રમમાં રાજયસભાના સાંસદ શ્રીમતી રમિલાબેન બારા, શાળાના વિધાર્થીઑ, શાળાના શિક્ષકો, આચાર્ય સહિત યોગમાં રસ ધરાવતા જાગૃત નગરજનો, મામલદારશ્રી, ચીફ ઓફિસર નગરપાલિકા, પ્રાયોજના વહીવટદાર, તેમજ મોટી સંખ્યામાં પદાધિકારીઓ, અધિકારીઓ હાજર રહી યોગમાં માનભેર જોડાયા હતા. આ તબક્કે સૌ પ્રથમ ઉપસ્થિત સૌ મહાનુભાવોએ પ્રથમ ગુજરાત રાજ્યના મુખ્યમંત્રી ભુપેન્દ્ર પટેલેની અધ્યક્ષતામાં વડનગર ખાતે યોજાયેલા વિશ્વ યોગ દિવસનું જીવંત પ્રસારણ કાર્યક્રમ નિહાળ્યું હતું. તેમણે ગુજરાતનાં લોકોને સંબોધન કરતા વિશ્વ યોગ દિનની શુભકામનાઓ પાઠવી હતી. ત્યાર બાદ આંધ્રપ્રદેશના વિશાખાપટ્ટનમથી વડાપ્રધાન નરેન્દ્ર મોદીનું દેશના નામ યોગ દિવસનું લાઈવ ટેલિકાસ્ટ પણ ઉપસ્થિત લોકોએ નિહાળ્યું હતું. આ કાર્યક્રમમાં સ્પોર્ટ ટીચર ભાવનાબેન મનાત, સાબરકાંઠા યોગ બોર્ડમાંથી યોગ ટ્રેનર નવજીભાઈ ડાભી, યોગ કોચ યામિનીબેન જાની, યોગ ટ્રેનર રાજલબેન સુથાર, યોગ ટ્રેનર જયશ્રીબેન ભાનુશાલી, યોગ ટ્રેનર તૃપ્તિબેન પટેલનાઓએ યોગ વિષે વિસ્તૃત સમજણ આપી યોગ કરાવ્યા હતા. ગુજરાત રાજ્ય યોગ બોર્ડના ચેરમેન યોગસેવક શીશપાલ જી.સાબરકાંઠા, જિલ્લા કો-ઓર્ડીનેટર અમીબેન પટેલના માર્ગદર્શન હેઠળ શાનદાર ઉજવણી કરવામાં આવી આવી હતી.
યોગ એક જીવન દ્રષ્ટિકોણ: વેદકાળથી વર્તમાન યુગમાં યોગનું મહત્વ અકબંધ:- યોગએ ભારતની પ્રાચિન પરંપરાની અમૂલ્ય ભેટ છે, જે મન અને શરીરની એકતાને મૂર્ત બનાવે છે: આરોગ્ય અને સુખાકારી સાથે યોગ તાણ મુક્ત કરે છે અને તે રોગને પણ ભગાવે છે. આજકાલની આપણી જીવનશૈલીને કારણે ઘણા બધા રોગો સાથે શારીરીક તકલીફો લગભગ બધાને જોવા મળે છે. સતત દોડધામમાં કે બેઠાડું જીવન આપણું જીવન સતત તાણવાળું બનાવતા આજે સૌ કોઇ મનોરોગી બની ગયા છે. આપણાં દેશની ઘણી પ્રાચિન પરંપરા આપણે બદલાતા યુગે ભૂલતા ગયા હોવાથી ઘણી મુશ્કેલી સહન કરીએ છીએ. વિદેશના લોકોએ આપણી ઘણી સારસ વાતો ગ્રહણ કરતાં તેમની જીવનશૈલી સુધારી છે. આજે વિશ્ર્વ યોગ દિવસ છે, યોગ આપણા દેશની શોધ છે અને આજે વિશ્ર્વના તમામ દેશોમાં લોકો તેને અનુસરીને સ્વસ્થ જીવન જીવે છે. 21મી જુનની જે તારીખ પસંદ કરી છે, તેની પાછળ પણ વિજ્ઞાન છૂપાયેલ છે. કારણ કે ઉનાળું અયનકાળ છે, અને દક્ષિણાયનમાં સંક્રમણને ચિન્હીત કરે છે, અત્યાર સુધીમાં વિશ્ર્વના 170થી વધુ દેશોએ આ દિવસ માટે તેમનું સમર્થન દર્શાવેલ છે. આજે યોગ વિશ્ર્વસ્તરે ફેલાયો કારણ કે યોગ સતત વિશ્ર્વને પ્રેરણા આપે છે. આજે એક દિવસ સંપૂર્ણ યોગમય બનો, તમારા શરીરને કાબૂમાં રાખો અને તેને આંતરીક શાંતિ આપો તેજ જરૂરી છે. તે સ્નાયુ જો મજબૂત કરીને તંદુરસ્ત પાચન ક્રિયા કરે છે. યોગએ સંસ્કૃત્ત શબ્દ છે, જેનો અર્થ જોડાણ કરવું કે એક કરવું તેવો થાય છે. યોગએ શરીર અને આત્માનું જોડાણ છે, તે આધ્યાત્મિક શિસ્ત છે. આજે સમગ્ર વિશ્ર્વમાં ખૂબ જ લોકપ્રિય થયો છે અને દિન-પ્રતિદિન તેની ચાહના વધી રહી છે. પ્રકૃત્તિ સાથે એક રૂપતા કેળવવાનું એક માધ્યમ છે. યોગ આપણી જીવનશૈલીમાં બદલાવ લાવીને જાગૃતતા ઉત્પન્ન કરવામાં મદદ કરે છે.
શારીરીક મુદ્રાઓ, શ્ર્વાસ લેવાની તકનીકો અને ધ્યાનનો સમાવેશ:- યોગ શારીરીક, માનસિક અને આધ્યાત્મિક સુખાકારીના અસંખ્ય ફાયદાઓ માટે વિશ્ર્વ વ્યાપી માન્યતા મળી છે, તેમાં શરીર, મન અને ભાવના વચ્ચે સૂમેળ સાધવા માટે શારીરીક મુદ્રાઓ (આસનો), શ્ર્વાસ લેવાની તકનીકો (પ્રાણાયામ) અને ધ્યાનનો સમાવેશ થાય છે. યોગનું મહત્વ એકદંરે આરોગ્ય અને સુખાકારીને પ્રોત્સાહન આપવાની ક્ષમતામાં રહેલું છે. યોગની શારીરિક મુદ્રાઓ લવચીકતા, શક્તિ અને સંતુલન સુધારવામાં મદદ કરે છે. નિયમિત પ્રેક્ટિસ દ્વારા, વ્યક્તિઓ મજબૂત અને કોમળ શરીર વિકસાવી શકે છે. ઇજાઓનું જોખમ ઘટાડી શકે છે અને સારી મુદ્ર કરી શકે છે. યોગ માનસિક સ્વાસ્થ્ય પર તેની સકારાત્મક અસર માટે જાણીતું છે.
મહેશભાઈ બરંડા, સાબરકાંઠા
Author: Naeem Diwan
Owner Of Geogujaratnews.com