આજે સમગ્ર દેશ 79મા સ્વતંત્રતા દિવસની ઉજવણી કરી રહ્યો છે. ત્યારે વાગરાના અસમા પાર્ક-3 સ્થિત આવેલ જુંજેરા વિદ્યાલયમાં પણ આ રાષ્ટ્રીય પર્વની ભવ્ય અને શાનદાર ઉજવણી કરવામાં આવી હતી. આ કાર્યક્રમમાં શાળાના વિદ્યાર્થીઓ, શિક્ષકો અને સ્થાનિક નાગરિકો મોટી સંખ્યામાં ઉત્સાહભેર જોડાયા હતા.
કાર્યક્રમના મુખ્ય અતિથિ તરીકે જાણીતા ડો.મુબિન પટેલએ ઉપસ્થિત રહીને રાષ્ટ્રધ્વજ ફરકાવ્યો હતો. તેમના હસ્તે થયેલા ધ્વજારોહણ બાદ તરત જ રાષ્ટ્રગાન ગુંજી ઉઠ્યું હતું, જેનાથી સમગ્ર વાતાવરણ દેશભક્તિની ભાવનાથી તરબોળ થઈ ગયું હતું.
આ પ્રસંગે શાળાના વિદ્યાર્થીઓએ દેશભક્તિ આધારિત વિવિધ સાંસ્કૃતિક કાર્યક્રમો રજૂ કરીને સૌના દિલ જીતી લીધા. બાળકોએ સુંદર ગીતો ગાયા, નાટકો ભજવ્યા, અને વક્તવ્ય દ્વારા સ્વતંત્રતા સેનાનીઓના બલિદાનને યાદ કર્યા. આ પ્રસ્તુતિઓએ ઉપસ્થિત સૌ કોઈને મંત્રમુગ્ધ કર્યા અને દરેકના મનમાં રાષ્ટ્રપ્રેમની ભાવના વધુ દૃઢ બનાવી હતી. સમગ્ર કાર્યક્રમનું આયોજન અને સંચાલન શાળાના ટ્રસ્ટીના માર્ગદર્શન હેઠળ આચાર્ય હિતેશ કુમારે કર્યું હતું. આ કાર્યક્રમને સફળ બનાવવા માટે શાળાના તમામ શિક્ષકોએ પણ ભારે જહેમત ઉઠાવી હતી.
આ ઉજવણીએ માત્ર વિદ્યાર્થીઓમાં જ નહીં પરંતુ ઉપસ્થિત નાગરિકોમાં પણ રાષ્ટ્રીય ગૌરવ અને એકતાનો સંદેશો પહોંચાડ્યો હતો. જુંજેરા વિદ્યાલય દ્વારા કરવામાં આવેલી આ ઉજવણીએ સાબિત કર્યું કે ભવિષ્યની પેઢીમાં દેશપ્રેમ અને સંસ્કૃતિનું સિંચન કરવું કેટલું મહત્ત્વનું છે.
Author: Naeem Diwan
Owner Of Geogujaratnews.com