ભાવનગરની શાળામાં ‘ઓપરેશન સિંદૂર’ કૃતિ વિવાદમાં, ભરૂચમાં મુસ્લિમ સમાજે બુરખાને આતંકવાદ સાથે જોડવા સામે નોંધાવ્યો વિરોધ

ભાવનગરની શાળાના કાર્યક્રમમાં બુરખાને આતંકવાદ સાથે જોડતી ‘ઓપરેશન સિંદૂર’ કૃતિ વિવાદમાં : ગત 15મી ઓગસ્ટે 79માં સ્વાતંત્ર દિવસની ઉજવણી દરમિયાન ભાવનગરની એક શાળામાં રજૂ થયેલી સાંસ્કૃતિક કૃતિ “ઓપરેશન સિંદૂર” વિવાદનું કેન્દ્ર બની છે. આ કૃતિમાં બે વિદ્યાર્થિનીઓને આતંકવાદી તરીકે બુરખા પહેરાવીને રજૂ કરવામાં આવતા મુસ્લિમ સમાજમાં ભારે રોષ ફેલાયો છે. ભરૂચ સહિત રાજ્યભરના મુસ્લિમ આગેવાનોએ આ ઘટનાને ધાર્મિક લાગણી દુભાવનારી ગણાવી છે અને જવાબદાર શિક્ષકો તથા આચાર્ય સામે કડક કાર્યવાહીની માંગ કરી છે.

ભાવનગરની શાળામાં ‘ઓપરેશન સિંદૂર’નું મંચન, ભરૂચમાં બુરખાને આતંકવાદ સાથે જોડવાના વિરોધમાં દેખાવો : ભાવનગરના કુંભારવાડ વિસ્તારમાં આવેલી શાળામાં યોજાયેલા કાર્યક્રમનો એક વીડિયો સોશિયલ મીડિયા પર વાયરલ થયો છે. આ વીડિયોમાં “ઓપરેશન સિંદૂર” નામની કૃતિમાં બે વિદ્યાર્થિનીઓ કાળા બુરખા પહેરીને હાથમાં બંદૂક સાથે જોવા મળે છે, જેમને આતંકવાદી તરીકે દર્શાવવામાં આવી છે. આ કૃતિ જોતા જ મુસ્લિમ સમાજના આગેવાનો અને સંસ્થાઓએ આ મુદ્દે ગંભીર વાંધો ઉઠાવ્યો છે. તેમનું કહેવું છે કે, આતંકવાદીનો કોઈ ધર્મ નથી હોતો, છતાં એક ખાસ ધર્મના પહેરવેશને આતંકવાદ સાથે જોડીને સમાજમાં ધૃણા ફેલાવવાનો પ્રયાસ કરવામાં આવ્યો છે.‘ઓપરેશન સિંદૂર’ કૃતિ વિવાદમાં, ભાવનગરની શાળામાં બુરખાને આતંકવાદ સાથે જોડવા સામે ભરૂચમાં વિરોધ : આ ઘટનાના પડઘા ભરૂચ જિલ્લામાં પણ પડ્યા છે. ભરૂચના જાગૃત મુસ્લિમ આગેવાન અબ્દુલ કામઠીએ આ કૃતિને અસહ્ય ગણાવી છે. તેમણે જણાવ્યું કે, શાળા જેવી પવિત્ર જગ્યાએ ધાર્મિક લાગણીઓને ઠેસ પહોંચાડતી આવી અયોગ્ય કૃતિઓ રજૂ કરવી એ શૈક્ષણિક સંસ્થાની જવાબદારીનું ઉલ્લંઘન છે. જવાબદાર શિક્ષકો અને આચાર્ય સામે તાત્કાલિક ગુનો દાખલ કરવો જોઈએ.
ભરૂચમાં મુસ્લિમ સમાજે નોંધાવ્યો વિરોધ, બુરખાને આતંકવાદ સાથે જોડવા સામે રોષ : અબ્દુલ કામઠીએ ઉમેર્યું કે, શાળાના સંચાલકોએ સમગ્ર મુસ્લિમ સમાજની માફી માંગવી જોઈએ. આ મુદ્દે આગામી દિવસોમાં સમસ્ત ભરૂચ જિલ્લા મુસ્લિમ સમાજ દ્વારા કલેક્ટરને આવેદનપત્ર આપીને સત્તાવાર રજૂઆત કરવામાં આવશે, જેથી ભવિષ્યમાં આવી ઘટનાઓનું પુનરાવર્તન ન થાય. આ ઘટનાએ ફરી એકવાર શિક્ષણમાં ધર્મનિરપેક્ષતાના સિદ્ધાંતોનું પાલન કરવા અને સમાજમાં શાંતિ જાળવવાની જરૂરિયાત પર ભાર મૂક્યો છે.