Geo Gujarat News

ભાવભીની શ્રદ્ધાંજલિ: ભરૂચ કોંગ્રેસ કાર્યાલય ખાતે સ્વ. અહમદ પટેલની પુણ્યતિથિ નિમિત્તે પુત્રી મુમતાઝ પટેલ ખાસ ઉપસ્થિત

​ભરૂચ,

​ભરૂચ જિલ્લા કોંગ્રેસ કાર્યાલય ખાતે વરિષ્ઠ કોંગ્રેસ નેતા અને ગુજરાતના ગૌરવ સ્વ. અહમદ પટેલની પુણ્યતિથિ નિમિત્તે પુષ્પાંજલિ કાર્યક્રમનું આયોજન કરવામાં આવ્યું હતું. આ કાર્યક્રમમાં કોંગ્રેસના મોટી સંખ્યામાં આગેવાનો અને કાર્યકરોએ સ્વ. પટેલને શ્રદ્ધાંજલિ અર્પણ કરી હતી.

​ ​આ શ્રદ્ધાંજલિ કાર્યક્રમમાં સ્વ. અહમદ પટેલના પુત્રી મુમતાઝ પટેલે ખાસ હાજરી આપી હતી. તેમણે પોતાના પિતાના રાજકીય જીવનમાં દેશ અને રાજ્યની રાજનીતિમાં આપેલા નિષ્ઠાભર્યા યોગદાનને યાદ કર્યું હતું.

​ઉપસ્થિત કોંગ્રેસના નેતાઓએ સ્વ. અહમદ પટેલની સંગઠન શક્તિ, તેમનો સરળ સ્વભાવ અને લોકકલ્યાણના અભિગમને યાદ કરીને શ્રદ્ધાંજલિ આપી હતી. આ અવસરે જિલ્લા કોંગ્રેસ પ્રમુખ રાજેન્દ્રસિંહ રણા, કોંગ્રેસ પ્રવક્તા નાઝુ ફળવાળા, શહેર પ્રમુખ સલીમ અમદાવાદી સહિતના અગ્રણીઓ ઉપસ્થિત રહ્યા હતા.

KETAN MEHTA
Author: KETAN MEHTA

Facebook
Twitter
LinkedIn
WhatsApp

Comments are closed.