ઔદ્યોગિક નગરી અંકલેશ્વર તાલુકામાં આવેલ બોરભાથા બેટ વિસ્તારમાં ખુલ્લી જગ્યામાં ચાલતા એક જુગારધામ પર ભરૂચ લોકલ ક્રાઇમ બ્રાન્ચની ટીમે દરોડો પાડી પાંચ જેટલા શકુનીઓને મુદ્દામાલ સાથે ઝડપી પાડ્યા છે. પોલીસ સૂત્રો પાસેથી મળતી માહિતી મુજબ ભરૂચ LCBને અંકલેશ્વર તાલુકાના બોરભાથા બેટ ક્રિકેટ ગ્રાઉન્ડ નજીકની ખુલ્લી જગ્યામાં કેટલાક ઈસમો જુગાર રમી રહ્યા હોવાની ચોક્કસ બાતમી મળી હતી. આ બાતમીના આધારે LCBની ટીમે તાત્કાલિક દરોડો પાડતા સ્થળ પર જુગાર રમી રહેલા પાંચ વ્યક્તિઓને રંગેહાથ ઝડપી લીધા હતા. પોલીસે જુગાર રમી રહેલા ઈસમો પાસેથી રોકડા રૂપિયા અને અન્ય સાધનો મળીને કુલ 51,550નો મુદ્દામાલ કબજે કર્યો હતો. પકડાયેલા આરોપીઓની અટકાયત કરવામાં આવી છે. અને તેમની સામે જુગારધારા હેઠળ કાયદેસરની કાર્યવાહી હાથ ધરવામાં આવી છે. ઝડપાયેલા આરોપીઓમાં સોહેલ યુસુફ પટેલ, એજાઝ મુસા પટેલ, સોહેલ કાદર મન્સૂરી, પ્રવીણ બાબુ માછી પટેલ અને કિશન બચુ પટેલ આ પાંચેય આરોપીઓની અટકાયત કરી તેમની સામે જુગારધારાની સંબંધિત કલમો હેઠળ ગુનો નોંધી વધુ તપાસ હાથ ધરી છે. પોલીસની આ કાર્યવાહીથી ગેરકાયદેસર પ્રવૃત્તિઓ આચરતા તત્વોમાં ફફડાટ વ્યાપી ગયો છે.
Author: Naeem Diwan
Owner Of Geogujaratnews.com