આમોદ તાલુકાની બચ્ચોકા ઘર સંચાલિત શાળામાં વિદ્યાર્થીઓ માટે રમતોનો રંગબેરંગી કાર્યક્રમ આયોજિત કરવામાં આવ્યો છે, જે ૧૦ જાન્યુઆરી સુધી ચાલશે.
આ મહોત્સવનો હેતુ બાળકોની છુપાયેલી પ્રતિભા અને કૌશલ્યને ઉજાગર કરવું અને તેમને આત્મવિશ્વાસ અને ઉત્સાહ પ્રદાન કરવો છે. શાળા સંચાલકો દ્વારા અભ્યાસ સાથે બાળકોના સર્વાંગી વિકાસ પર ખાસ ધ્યાન આપવામાં આવ્યું છે. આ તબક્કામાં ઇંગ્લિશ મિડિયમના વિદ્યાર્થીઓ માટે વિવિધ રમતગમત પ્રવૃત્તિઓનું આયોજન થયું હતું, જેમાં મ્યુઝિકલ ચેર, દોરડા કૂદ, ૫૦૦ મીટર દોડ અને સાયકલ રેસ જેવી રમતોનો સમાવેશ થાય છે.
આ કાર્યક્રમમાં બાળકોમાં ઉત્સાહ અને મોજ જોવા મળી, અને વિદ્યાર્થીઓએ પોતાની પ્રતિભા અને કુશળતાનો સુંદર પરિચય આપ્યો. શાળા સંચાલકોની આ પહેલથી શાળા, ગામ અને જિલ્લા માટે ગૌરવનો માહોલ સર્જાયો છે. વાલીઓ અને સ્થાનિક લોકો પણ આ પ્રવૃત્તિની પ્રશંસા કરી રહ્યા છે.
આમોદની બચ્ચોકા ઘર શાળામાં યોજાતી આ રમતગમત પ્રવૃત્તિઓ બાળકોના શારીરિક, માનસિક અને સામાજિક વિકાસ માટે મહત્વપૂર્ણ સાબિત થઈ રહી છે, અને આવનારા સમયમાં આવી પ્રવૃત્તિઓ વધુ પ્રેરણાદાયી બની રહી હશે તેવી આશા વ્યક્ત કરવામાં આવી રહી છે.
Author: Yasin Diwan
સમાચાર તેમજ જાહેરાત આપવા માટે સંપર્ક કરો : 9574469023