250 જેટલા જરૂરિયાતમંદ લોકોએ કેમ્પની સેવાઓનો લાભ લીધો :- વાગરા તાલુકાના કડોદરા ગામની પ્રાથમિકશાળા ખાતે નિઃશુલ્ક તબીબી અને આંખ તપાસ કેમ્પનું સફળ આયોજન કરવામાં આવ્યું હતું. આયોજિત કેમ્પમાં નિષ્ણાત ડોકટરો અને તબીબી વ્યાવસાયિકોની ટીમે ગ્રામજનો માટે સંપૂર્ણ તબીબી અને આંખ તપાસની સેવાઓ પ્રદાન કરી હતી. આ કેમ્પમાં આરોગ્યને લગતી.વિવિધ સેવાઓ આપવામાં આવી હતી, જેમાં ડોક્ટર દ્વારા મફત જનરલ તપાસ, આંખ તપાસ સહિત આરોગ્યને લગતી જરૂરી સલાહ પણ આપવામાં આવી હતી. આ કેમ્પને ગ્રામજનો તરફથી ખુબજ સારો પ્રતિસાદ સાંપડ્યો હતો. અંદાજીત 250 જેટલાં લોકોએ આ કેમ્પમાં તબીબી સેવાઓનો લાભ લીધો હતો.
લુબ્રિજોલ કંપનીના સહયોગથી નિ:શુલ્ક આરોગ્ય કેમ્પ યોજાયો:- આયોજિત કેમ્પે વિવિધ સ્વાસ્થ્ય સમસ્યાઓ ઓળખવામાં અને સારવાર કરવામાં મદદ કરી હતી. વધુમાં સમુદાયમાં એકંદર આરોગ્ય અને સુખાકારીને પ્રોત્સાહન આપ્યું. આ શિબિરનું આયોજન ડોક્ટર ફોર યુ NGO દ્વારા લુબ્રિજોલ કંપનીના સહયોગથી કરવામાં આવ્યું હતું. આયોજકોએ શિબિરને શક્ય બનાવનારા પ્રાયોજકો, સ્વયંસેવકો અને તબીબી વ્યાવસાયિકોનો આભાર માન્યો હતો.
નઈમ દિવાન, વાગરા
Author: geogujaratnews
geogujarat2020@gmail.com www.geogujaratnews.com