સુરતના સચિન વિસ્તારમાં આવેલી ગુજરાત ગ્રામીણ બેંકની શાખામાં બે દિવસ પહેલા ધોળે દિવસ થયેલી રૂપિયા પોણા ચાર લાખની લૂંટનો ભેદ ઉકેલાયો છે. પિસ્તોલની અણીએ લૂંટને અંજામ આપનારા લૂંટારુંને પોલીસે દબોચી લીધો છે. લૂંટારુ એમેઝોન પ્રાઈમ ડિલિવરીની ફ્રેન્ચાઈઝી લેવા માગતો હતો, જેના માટે 10થી 12 લાખ રૂપિયાની જરુરિયાત હતી.એટલે પોતાના ઘર નજીક આવેલી બેંકમાં જ લૂંટ કરી હતી. આરોપી ફ્રેન્ચાઈઝી લઈ દર મહિને 80 થી 90 લાખ રૂપિયા કમાવાના સપના જોતો હતો. જો કે, હાલ તો તેને લોકઅપની હવા ખાવાનો વારો આવ્યો છે.
સચિન વિસ્તારમાં આવેલી ગુજરાત ગ્રામીણ બેંકમાં સિક્યુરિટી ગાર્ડ નહતો, આ લૂંટ માટે મુખ્ય કારણ બની ગયું હતું. સુરત ક્રાઇમ બ્રાન્ચે ગણતરીના દિવસોમાં આરોપી નાજીસ ઉર્ફે બબલુ મોહમદ સનાઉલ્લાહ શેખ (ઉ.વ. 22)ને પિસ્તોલ, કારતૂસ અને લૂંટની રકમ સાથે ઝડપી પાડી કેસનો ભેદ ઉકેલી નાખ્યો છે. આરોપી મૂળ બિહારના ચંપારણ જિલ્લાના ફુલવરીયા ગામનો છે
હાલ સચિન ખાતે રહે છે. તેણે પોલીસ સામે કબૂલાત કરી છે કે, તેને એમેઝોન પ્રાઈમની પાર્સલ ડિલિવરી ફ્રેન્ચાઇઝી લેવી હતી, જેમાં અંદાજે 10થી 12 લાખનું રોકાણ જરૂરી છે અને માસિક રૂ. 80થી 90 લાખની આવક થવાની ધારણા હતી. આવી કમાણી માટે તે કોઈ પણ હદ સુધી જવા તૈયાર હતો.
સુનીલ ગાંજાવાલા, સુરત
Author: Saifali Bhatti
સમાચાર તેમજ જાહેરાત માટે સંપર્ક કરો +919510457096