વડોદરા: યોગનો ભવ્ય પર્વ, કેન્દ્રીય જળ શક્તિ મંત્રી સી આર પાટીલ વિશેષ ઉપસ્થિત રહ્યા હતા…

૨૧ મી જુન એટલે વિશ્વ યોગા દિવસ જેની સમગ્ર વિશ્વમાં યોગ દિવસ તરીકે ઉજવણી કરવામાં આવે છે. ભારતના વડાપ્રધાન નરેન્દ્ર મોદીએ જ્યારથી શાસનધુરા સંભાળી ત્યારથી સમગ્ર દેશમાં યોગ દિવસની ઉજવણી કરવામાં આવે છે. જે અંતર્ગત આજે ૨૧ મી જુનના રોજ વડોદરા ખાતે આંતરરાષ્ટ્રીય યોગ દિવસની ઉજવણી કરવામાં આવી હતી.

આયોજિત યોગ દિવસ ઉજવણીમાં કેન્દ્રીય જળ શક્તિ મંત્રી સી આર પાટીલ વિશેષ ઉપસ્થિત રહ્યા હતા. સાથે સાથે શહેરમાં ૩૬ જગ્યાએ વિશ્વ યોગ દિવસની ઉજવણી કરવામાં આવી હતી. જેમાં મોટી સંખ્યામાં શહેરીજનો જોડાયા હતા. યોગ દિવસ પ્રસંગે શહેરીજનોમાં અનેરો ઉત્સાહ જોવા મળ્યો હતો..