નવેમ્બર 2024થી કમરના અસહ્ય દુખાવાથી પથારીવશ બનેલી મહિલા ડૉ. વિસ્મય કોઠારીની સફળ સારવારથી ફરી પોતાના પગે ઊભી થઈ, પેરાલિસિસનું જોખમ પણ ટળ્યું

ભરૂચ: સ્પાઇન અને કરોડરજ્જુ સંબંધિત તકલીફો ઘણીવાર દર્દીના રોજિંદા જીવનને ગંભીર રીતે અસર કરતી હોય છે, પરંતુ સમયસર યોગ્ય નિદાન અને નિષ્ણાત સારવાર દ્વારા દર્દી ફરી સામાન્ય જીવન તરફ પરત ફરી શકે છે. તેનો જીવંત દાખલો ખેરૂન નિશા દિવાન છે, જેઓ નવેમ્બર 2024થી કમરના ઉપરના અને નીચેના ભાગમાં અસહ્ય દુખાવાથી પીડાઈ રહ્યા હતા. સ્થિતિ એટલી ગંભીર બની ગઈ હતી કે તેઓ યોગ્ય રીતે બેસી કે ચાલી શકતા નહોતા અને રોજિંદા કામકાજ માટે પણ અન્ય લોકો પર આધાર રાખવો પડતો હતો. અનેક જગ્યાએ સારવાર લીધા છતાં ખાસ રાહત ન મળતા તેમણે ભરૂચના સિટી સેન્ટર ખાતે આવેલી અમ્રિત મલ્ટી સ્પેશિયાલિસ્ટ હોસ્પિટલમાં કરોડરજ્જુના રોગોના નિષ્ણાત અને ઓર્થોપેડિક-સ્પાઇન સર્જન ડૉ. વિસ્મય કોઠારીનો સંપર્ક કર્યો હતો.ડૉ. વિસ્મય કોઠારીએ દર્દીના MRI, X-Ray અને અન્ય જરૂરી રિપોર્ટ્સનું વિગતવાર મૂલ્યાંકન કરીને યોગ્ય સારવાર શરૂ કરી હતી. લગભગ નવ મહિનાની નિયમિત સારવાર, દવાઓ અને સતત ફોલોઅપ બાદ દર્દીની તબિયતમાં નોંધપાત્ર સુધારો જોવા મળ્યો હતો. ખેરૂન નિશા દિવાનના જણાવ્યા મુજબ, સારવાર શરૂ થતાં પહેલાં તેમને પેરાલિસિસ થવાની સંભાવના અંગે પણ ચિંતા હતી, પરંતુ ડૉ. કોઠારીની દેખરેખ હેઠળ યોગ્ય સારવાર મળતા તેમની સ્થિતિમાં સતત સુધારો થયો અને કોઈપણ પ્રકારના ઓપરેશન વિના તેઓ ફરી સ્વસ્થ જીવન જીવી રહ્યા છે. હાલમાં તેઓ પોતાના તમામ રોજિંદા કાર્યો સ્વતંત્ર રીતે કરી શકે છે. દર્દીએ જણાવ્યું હતું કે ડૉક્ટરે માત્ર સારવાર જ નહીં પરંતુ પરિવારના સભ્યની જેમ તેમની કાળજી લીધી હતી, જેના કારણે તેમને શારીરિક અને માનસિક રીતે પણ મોટી રાહત મળી હતી.આ અંગે ડૉ. વિસ્મય કોઠારીએ જણાવ્યું હતું કે સ્પાઇન સંબંધિત 98 થી 99 ટકા દર્દીઓને ઓપરેશનની જરૂર પડતી નથી અને યોગ્ય નિદાન, દવાઓ તથા માર્ગદર્શન દ્વારા મોટાભાગના દર્દીઓ સર્જરી વગર પણ સારું પરિણામ મેળવી શકે છે. તેમણે ઉમેર્યું કે આજના સમયમાં જો સર્જરીની જરૂર પડે તો પણ આધુનિક ટેક્નોલોજીના કારણે સ્પાઇન સર્જરી વધુ સુરક્ષિત અને સરળ બની છે. ડૉ. વિસ્મય કોઠારી હાલમાં અમ્રિત મલ્ટી સ્પેશિયાલિસ્ટ હોસ્પિટલ, ત્રીજો માળ, સિટી સેન્ટર, ડોક્ટર હાઉસ, રેલવે સ્ટેશન રોડ, ભરૂચ ખાતે સેવા આપે છે અને દર મંગળવારે સાંજે 4 થી 7 વાગ્યા સુધી દર્દીઓ માટે ઉપલબ્ધ રહે છે. ગરદન, પીઠ, કમરનો દુખાવો, સ્લિપ ડિસ્ક, સાયટિકા, પગમાં ઝણઝણાટી, ચાલવામાં તકલીફ અને કરોડરજ્જુ સંબંધિત અન્ય સમસ્યાઓ માટે દર્દીઓ તેમની સલાહ મેળવી શકે છે. ખેરૂન નિશા દિવાનની આ સફળતાની કહાની ફરી એકવાર દર્શાવે છે કે યોગ્ય નિષ્ણાતની સલાહ, સમયસરનું નિદાન અને નિયમિત સારવાર દ્વારા ગંભીર સ્પાઇનની તકલીફોમાંથી પણ સફળતાપૂર્વક બહાર આવી શકાય છે.