મોડી રાત્રે કચ્છમાં ફરી એકવાર ધરતીકંપનો આંચકો અનુભવાતા લોકોમાં ચિંતા ફેલાઈ હતી. રાત્રે આશરે 1:30 વાગ્યાના અરસામાં 3.3ની તીવ્રતાનો ભૂકંપ નોંધાયો હતો. અચાનક ધરા ધ્રૂજતા કેટલાક વિસ્તારોમાં લોકોમાં ભયનો માહોલ સર્જાયો હતો. મળતી માહિતી મુજબ, આ ભૂકંપનું કેન્દ્રબિંદુ બચાઉથી આશરે 21 કિલોમીટર દૂર હોવાનું જાણવા મળ્યું છે. ભૂકંપની તીવ્રતા 3.3 હોવાના કારણે મોટાપાયે નુકસાનની કોઈ માહિતી સામે આવી નથી. કચ્છ ભૂકંપપ્રવણ વિસ્તાર હોવાથી અહીં અવારનવાર નાના-મોટા આંચકા અનુભવાતા રહે છે. મોડી રાત્રે આવેલા આંચકાથી લોકોમાં ફરી એકવાર ધરતીકંપની ઘટનાઓને લઈને ચિંતા જોવા મળી હતી. હાલ સુધીમાં ભૂકંપના કારણે જાનમાલના નુકસાન અંગે કોઈ સત્તાવાર માહિતી સામે આવી નથી. તંત્ર દ્વારા પરિસ્થિતિ પર નજર રાખવામાં આવી રહી છે. મોડી રાત્રે આવેલા આ ભૂકંપે ફરી એકવાર કચ્છની ધરતીના ભૂકંપીય સક્રિય વિસ્તાર હોવાની યાદ અપાવી છે.
Author: geogujaratnews
geogujarat2020@gmail.com www.geogujaratnews.com