ભરૂચ: ટેમ્પો અને બસ વચ્ચે અકસ્માત, મુસાફરોનો આબાદ બચાવ, સદ્દનસીબે કોઈ જાનહાની નહીં

ભરૂચ વડોદરાને જોડતો નેશનલ હાઇવે નંબર ૪૮ પર નબીપુર ઝનોર ચોકડી ઓવરબ્રિજ નીચે ટેમ્પો અને ST બસ વચ્ચે અકસ્માત સર્જાયો હતો. જોકે બસમાં સવાર મુસાફરોનો આબાદ બચાવ થયો હતો પોલીસે ઘટના સ્થળે પહોંચી ટ્રાફિક હળવો કર્યો હતો.

મંગળવારે સાંજના ૬ વાગ્યાના અરસામાં એક આઇસર ટેમ્પો નંબર GJ 01 FT 1347 ઘાસચારો ભરી કવીથા ચોકડી તરફથી આવી ઓવરબ્રિજ નીચેથી પસાર થઈ રહ્યો હતો તે સમયે ભરૂચ થી કિર્તી સ્થંભ જતી ST બસ નંબર GJ 18 Z 9197 મુસાફરો સાથે ઓવરબ્રિજ નજીક ના સર્વિસ રોડ ઉપરથી પસાર થઈ રહી હતી તેની સાથે અથડાઈ ગયો હતો. જેને કારણે ST બસના આગળના ભાગે નુકશાન થવા પામ્યું હતું.

સદનસીબે કોઈ જાનહાની થઇ નથી અને બસના તમામ મુસાફરોનો આબક્ષ બચાવ થયો છે. ટેમ્પોનો ચાલક અકસ્માતને પગલે ટેમ્પો ઘટના સ્થળે મૂકી પલાયન થઈ ગયો છે. અકસ્માતની જાણ થતા નબીપુર પોલીસ સ્ટેશન માંથી પોલીસ સ્ટાફ ઘટના સ્થળે પહોંચી જઈ ત્રાફિક હળવો કર્યો હતો.